Afrikaning yangi yirik investori haqida bilasizmi?

Birlashgan Arab Amirliklari Afrikadagi yangi biznes loyihalarning eng yirik qo‘llab-quvvatlovchisiga aylandi. Biroq, BAAdan ko‘proq sarmoya kiritilishi, shuningdek, pul oqimi ishchilarning huquqlari va atrof-muhit muhofazasiga putur etkazishi mumkinligidan xavotirlarni keltirib chiqardi.

2019 va 2023 yillar oralig‘ida Amirlik kompaniyalari 110 milliard dollarlik ulkan loyihalarni e’lon qildi. The Financial Times ma’lumotlariga ko‘ra, ularning 72 milliard dollari qayta tiklanadigan energiya sohasiga yo‘naltirilgan. Shuni ta’kidlash kerakki, va’dalar Buyuk Britaniya, Fransiya yoki Xitoy kompaniyalari tomonidan berilgan qiymatdan ikki baravar ko‘p bo‘lgan.

Afrika davlatlari rahbarlari Amirliklarning ortib borayotgan qiziqishini olqishlamoqda.

BAA uzoq vaqtdan beri Afrikada asosiy siyosiy kuchlardan biri sifatida faoliyat yuritib kelmoqda. Amirliklar Liviya va Sudandagi mojarolarni avj oldirishda ayblanib kelgan. Hozirgi kunda BAA rahbariyati o‘z iqtisodiyotini neft va gazdan uzoqlashtirib, yashil energiya va elektromobillar hamda batareyalar uchun zarur bo‘lgan mis kabi "muhim minerallar" sohalariga yo‘naltirishga harakat qilmoqda.

Dubay portlari va aviakompaniyalari Afrikaga erta yetib kelganlardan. Dubayning Emirates aviakompaniyasi Afrikaning 20 ta davlatiga parvozlarni amalga oshiradi.

BAA kompaniyalari qishloq xo‘jaligi va telekommunikasiya sohalariga ham sarmoya kiritadi.

Amirlik sarmoyalari tog‘-kon sanoatini ham jalb qilmoqda.