"Afrika korpusi" Malidagi Kidal shahrini tark etmoqda

Z-kanallar Rossiya Mudofaa vazirligiga qarashli "Afrika korpusi" bo‘linmalari Kidal shahridan evakuasiya qilinayotgani haqida xabar tarqata boshladi.

Avvalroq rossiyaparast kuchlar isyonchilarning shaharni egallab olgani haqidagi ma’lumotlarni inkor etayotgan edi.

"Afrika korpusi" va "Vagner"ga aloqador kanallar Rossiya harbiy texnikasi kolonnasi harakatlanayotgani aks etgan videoni e’lon qildi.

Xabarlarga ko‘ra, ayni paytda Kidal janubiy bazasidan yaradorlar va og‘ir texnikalar olib chiqib ketilmoqda. Keyinroq "Vagner" guruhi bilan bog‘liq manbalar Mali qurolli kuchlari va "Afrika korpusi" Kidal shahrini butunlay tark etganini, shuningdek, halok bo‘lgan rossiyalik harbiylarning jasadlari ham olib chiqilganini tasdiqladi.