Abdusalom Azizov O‘FAdagi faoliyatini davom ettiradimi?

Xabaringiz bor, kuni kecha DXX raisi Abdusalom Azizov o‘z lavozimini tark etgan edi.

Abdusalom Azizov o‘z navbatida O‘zbekiston futbol Assosiasiyasi prezidenti ham hisoblanadi. Ko‘pchilik futbol muxlislarida tug‘ilayotgan savol: u kishi O‘FAni boshqarishda davom etadimi? Shu savol bilan O‘FA vakillariga yuzlandik va qisqa javob oldik:

"To‘g‘risi, bu borada O‘FAda hech qanday yangilik yo‘q".

Ma’lumot uchun, Azizov 2019 yil iyul oyida O‘FAning navbatdan tashqari hisobot-saylov konferensiyasida O‘FA prezidenti etib saylangan edi.