Bugun 27 sentyabr, 2022 yil, seshanba

КИР

90 ming AQSh dollarini Tojikistonga noqonuniy olib chiqmoqchi bo‘lgan ayol ushlandi

90 ming AQSh dollarini Tojikistonga noqonuniy olib chiqmoqchi bo‘lgan ayol ushlandi

Toshkent viloyatining Bekobod shahrida yashovchi, 1979 y.t. ayol SH.M. 20 ming AQSh dollarini oyoq kiyimlari ichiga yashirgan holda «Farxod» chegara bojxona posti orqali Tojikiston Respublikasiga olib o‘tmoqchi bo‘lgan vaqtida Davlat xavfsizlik xizmati va Davlat bojxona qo‘mitasining hududiy boshqarmalari xodimlari tomonidan to‘xtatib qolindi.

Holat yuzasidan tergovga qadar tekshiruv o‘tkazilayotgan vaqtda esa u yana bir bor xuddi shunday noqonuniy harakatni sodir etdi.

Bu safar u egnidagi kiyimlari orasiga yashirgan holda 70 ming AQSh dollarini aynan shu chegara bojxona posti orqali qo‘shni davlatga olib chiqishga uringanida qo‘lga olindi.

Aniqlanishicha, ushbu ko‘p miqdordagi xorijiy valyuta qimmatliklari Tojikiston Respublikasi fuqarosiga tegishli bo‘lib, SH.M. o‘zining kur’erlik xizmatiga ma’lum bir miqdorda pul mablag‘i olishi kerak bo‘lgan.

Hozirda unga nisbatan Jinoyat Kodeksining 182-moddasi bilan jinoyat ishi qo‘zg‘atilgan.

Kiritildi: 10:45 18.07.2022. O'qildi: 2469 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!