18-22 iyun kunlari 9 ta viloyatning tog‘li hududlarida yomg‘ir va do‘l yog‘ishi oqibatida sel-suv toshqinlari yuz berishi xavfi bor. «O‘zgidromet» fuqarolardan ehtiyot choralarini ko‘rishni so‘ramoqda.
Gidrometeorologiya xizmati markazi tomonidan berilgan ma’lumotga ko‘ra 18-21 iyun kunlari respublika bo‘yicha ba’zi joylarda shamol 18-23 m/s gacha, 20-21 iyunda esa 23-28 m/s gacha kuchayishi, ayrim joylarda chang to‘zonlari kuzatilishi mumkin.
18-19 iyunda Toshkent viloyatida va Farg‘ona vodiysi viloyatlarida qisqa muddatli yomg‘ir yog‘ishi, momaqaldiroq bo‘lishi kutilmoqda.
20-22 iyunda O‘zbekiston bo‘ylab vaqti-vaqti bilan yomg‘ir yog‘adi, momaqaldiroq bo‘lishi mumkin. Toshkent, Samarqand, Jizzax, Qashqadaryo, Surxondaryo viloyatlari va Farg‘ona vodiysi viloyatlarining tog‘oldi va tog‘li hududlarida kuchli yomg‘ir va ayrim hududlarda do‘l yog‘ishi mumkin.
18-22 iyun kunlari kutilayotgan kuchli yomg‘irlar yog‘ishi sababli, respublikaning tog‘oldi va tog‘li hududlarida, jumladan:
«Tog‘oldi va tog‘li hududlarda istiqomat qiluvchi fuqarolardan, dam oluvchilardan hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz», deyiladi xabarda.