8 iyul, shanba kuni Fransiyaning ko‘plab shaharlarida 6 mingga yaqin odam polisiya zo‘ravonligiga qarshi namoyish o‘tkazdi.
Bu haqda Fransiya ichki ishlar vazirligiga tayanib, “TASS” xabar bermoqda.
Agentlik ma’lumotlariga ko‘ra, 8 iyul kuni Fransiyada jami 30 ta namoyish bo‘lib o‘tgan, ularning eng yirigi polisiya tomonidan qamal qilinganiga qaramay, Parijda bo‘lib o‘tgan. Unda 2 mingga yaqin kishi qatnashdi.
Marseldagi namoyishda yana 750 kishi, Nantda 640 kishi ishtirok etdi.
Namoyishlar Strasburg, Bordo, Anguleme, Venissi va respublikaning boshqa ko‘plab hududlarida ham bo‘lib o‘tdi.
