24 avgustda Toshkentda to‘rt tumanga issiq suv yetkazilishi vaqtincha to‘xtatiladi 

Joriy yilning 24 avgust kuni Yunusobod tumanidagi 4-Issiqlik markazida gaz ta’minoti vaqtincha uziladi.

Toshkent shahar hokimligi xabariga ko‘ra, shu munosabat bilan soat 9:00dan kun yakunigacha qator manzillarga issiq suv yetkazilishi to‘xtatiladi.

Ular:

• Yunusobod tumani to‘liqligicha;
• Olmazor tumani to‘liqligicha;

Shayxontohur tumanining:

• Ibn Sino mavzesi;
• Jarariq mavzesi;
• Beltepa mavzesi;
• S-13, S-14, S-15 mavzelari;

Mirzo Ulug‘bek tumanining:

• S-1, S-2 mavzelari;
• Hamid Olimjon mavzesi.

Noqulayliklar uchun uzr so‘ralgan.