10 yil ichida Oyda shaharlar paydo bo‘ladi

10 yil ichida Oyda shaharlar paydo bo‘ladi, Marsda esa bir necha o‘n yillikdan keyin — Ilon Mask.

"SpaceX asoschisi, milliarder Ilon Mask yaqin o‘n yilliklarda Oy va Marsda “o‘z-o‘zini rivojlantiradigan” shaharlarni qurishni boshlashni rejalashtirmoqda", deb xabar bermoqda The Insider.

Maskning X ijtimoiy tarmog‘idagi postlariga ko‘ra, Oy loyihasi ustuvor maqsad hisoblanadi.

Milliarderning aytishicha, Marsga parvozlar faqat 26 oyda bir marta, ya’ni u Yerga eng yaqin bo‘lgan paytda amalga oshirilishi mumkin, holbuki Oyga parvozlar har o‘n kunda bir marta amalga oshirilishi mumkin va parvoz davomiyligi atigi ikki kunni tashkil etadi. Marsga uchish uchun yarim yil vaqt kerak bo‘ladi.

Mask Oy loyihasi 10 yil ichidayoq ilk natijalarini ko‘rsatishini, Mars loyihasini amalga oshirish uchun kamida 20 yildan ko‘proq vaqt kerakligini aytgan.

Shuningdek, NASA ham so‘nggi 50 yil ichida birinchi marta odamlarni Oyga yuborishni rejalashtirmoqda. “Artemida” dasturining maqsadi — astronavtlarni Oyga qo‘ndirish va vaqt o‘tishi bilan u yerda uzoq muddatli mavjudlikni ta’minlashdpn iborat.

Ushbu dastur doirasidagi ikkinchi uchirish bir necha bor kechiktirilgan bo‘lib, taxminan 2026 yil mart oyining boshida amalga oshirilishi kutilmoqda.