AQSh Yevropa Ittifoqi amaldorlariga sanksiya qo‘llashi mumkin

AQSh prezidenti Donald Tramp ma’muriyati Yevropa Ittifoqi yoki Yevropa davlatlari vakillariga Yevropa Ittifoqining raqamli xizmatlar to‘g‘risidagi qonuni (Digital Services Act, DSA) qoidalarini amalga oshirgani uchun ularga nisbatan sanksiyalar qo‘llash imkoniyatini ko‘rib chiqmoqda.

Bu haqda Reuters xabar bermoqda.

Agentlik ma’lumotlariga ko‘ra, o‘tgan hafta AQSh rasmiylari ushbu masala bo‘yicha maslahatlashuvlar o‘tkazgan. Vashington hali Bryusselga qarshi cheklovlar bo‘yicha yakuniy qarorga kelgani yo‘q. Bundan tashqari, qanday aniq choralar muhokama qilinayotgani va potensial sanksiyalar aynan kimlarga ta’sir qilishi noma’lumligicha qolmoqda.