Nigeriya Kasalliklarni nazorat qilish markazi ma’lumotiga ko‘ra, 1 yanvardan buyon mamlakatda Lassa virusi bilan bog‘liq 800 ta holat aniqlangan, shulardan 151 tasi o‘lim bilan tugagan, deb xabar berdi Anadolu agentligi.
O‘lim holatlari o‘tgan yilning shu davriga nisbatan 17,3 foizdan 18,9 foizgacha ko‘tarilgan. 2023 yilda mazkur kasallik tufayli 190 kishi vafot etgan edi.
Lassa isitmasi birinchi marta 1969 yilda Nigeriyaning Borno shtatida qayd etilgan. Bu virus G‘arbiy Afrika mamlakatlarida, jumladan Mali, Togo, Gana, Liberiya va Syerra-Leone davlatlarida keng tarqalgan. Kasallik holatlarining ortishi tufayli Nigeriya hukumati 2019 yil yanvar oyida favqulodda holat rejimini joriy etgan edi.
Virus insonga kallamushlar orqali, shuningdek, odamdan odamga ham yuqishi mumkin. Bu xastalik og‘ir gemorragik isitmaga olib kelib, o‘limga sabab bo‘lishi ehtimol.
Sog‘liqni saqlash xizmatlari fuqarolarni sanitariya qoidalariga rioya qilishga va virusning asosiy tashuvchilari – kemiruvchilardan uzoq yurishga chaqirmoqda.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Yuragi urib turgan bemor o‘lganga chiqarildi va uning ichki a’zolaridan foydalanishdi
Madaniyat vaziri korrupsiyada ayblanib sudga tortiladi
