Eronda kuzatilayotgan g‘ayritabiiy issiq ob-havo tufayli suv omborlaridagi suv sathi so‘nggi bir asrdagi eng past darajaga tushdi. Bu esa mamlakat bo‘ylab suv va elektr ta’minotida jiddiy uzilishlarga sabab bo‘lmoqda.
"Report"ning Yaqin Sharq OAVlariga tayanib xabar berishicha, Eron meteorologiya xizmati ma’lumotlariga ko‘ra, mamlakatning 31 viloyatidan kamida 18 tasi, jumladan Tehron, juma kuni boshlangan va payshanbagacha davom etishi kutilgan g‘ayritabiiy issiqlikdan jabr ko‘rmoqda.
Janub va janubi-g‘arbiy viloyatlarda harorat Selsiy bo‘yicha 50 darajadan oshgan. Bu sababli kamida 10 ta viloyatda, jumladan poytaxtdagi hukumat idoralari ham, suv va elektr energiyasini tejash maqsadida vaqtincha yopilgan.
Issiqlik to‘lqini yaqinda kuzatilgan yomg‘irchilikning keskin kamayishi bilan birga keldi. Bu holat Tehronni ta’minlovchi to‘g‘onlarda suv sathining "so‘nggi 100 yildagi eng past ko‘rsatkich"ga tushishiga olib kelgan. Shahar aholisi bir necha soatlik suv uzilishlari to‘g‘risida shikoyat qilmoqda.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Yuragi urib turgan bemor o‘lganga chiqarildi va uning ichki a’zolaridan foydalanishdi
Madaniyat vaziri korrupsiyada ayblanib sudga tortiladi
