Tesla Gollivudda birinchi Diner & Drive-In restoranini ochdi. Ushbu retro-futuristik muassasa Tesla elektromobillari uchun nafaqat oziq-ovqat, balki zaryadlashni ham taklif etadi.
Restoranda 80 ta to‘rtinchi avlod Tesla Supercharger zaryadlovchi stansiyalari mavjud. Tashrif buyuruvchilar klassik burger va hot-doglarga buyurtma berishlari, shuningdek, 540 dyuymli ekranlarda filmlarni tomosha qilishlari mumkin. Bundan tashqari, restoran brend tovarlari va Tesla Optimus robotini taklif etadi.
Restoranlar nafaqat Tesla egalari, balki piyodalar uchun ham ochiq. Qayd etilishicha, ochilish kuni kirishda navbatlar yuzaga kelgan, bu esa yuqori qiziqish va ehtimoliy sayyohlik salohiyatidan dalolat beradi.
Mehmonlar birinchi qavatda va binoning tomidagi ochiq osmon ostidagi Skypad terasida 250 o‘ringa ega bo‘ladi. Xodimlar tomonidan oziq-ovqat yetkazib berish bilan siz mashinangizda ham gazak qilishingiz mumkin. Avtomobilingizga buyurtma berish uchun elektromobil ekranida mavjud Tesla Diner ilovasidan foydalanishingiz kerak.
Ilon Maskning aytishicha, agar restoran muvaffaqiyatli ishlasa, Tesla dunyoning yirik shaharlarida va Supercharger stansiyalari yaqinidagi avtomagistrallarda xuddi shunday muassasalarni ochadi.
Isroil Rossiyani Eronga havo hujumidan mudofaa tizimlarini yetkazib berishdan tiyilishga chaqirdi
Yuragi urib turgan bemor o‘lganga chiqarildi va uning ichki a’zolaridan foydalanishdi
Madaniyat vaziri korrupsiyada ayblanib sudga tortiladi
