NATOning 2026 yildagi sammiti Turkiyada bo‘lib o‘tadi

Turkiya prezidenti Rajab Toyyib Erdo‘g‘on 2026 yilda NATO sammiti Anqarada o‘tkazilishini aytdi.

Bu haqda u vazirlar mahkamasining Anqarada bo‘lib o‘tgan yig‘ilishi yakunida ma’lum qilgan.

"NATOning Gaagadagi sammitida biz uchun muhim qaror qabul qilindiki, u keyingi safar mamlakatimizda bo‘lib o‘tadi. Turkiya 2026 yil iyul oyida NATOning davlat va hukumat rahbarlari sammitiga mezbonlik qiladi. Alyans yetakchilarini poytaxtimiz Anqarada qabul qilamiz. Juda muhim qarorlar qabul qilish uchun zamin tayyorlaymiz", — dedi Erdo‘g‘on.