AQSh iyul oyining boshlarida savdo kelishuvi tezlashishini kutmoqda

AQSh prezidenti Donald Tramp tomonidan 9 iyulda belgilab qo‘yilgan muddatdan bir hafta oldin savdo bitimlarini tuzish hayajonining kuchayishini kutmoqda.

Bu haqda AQSh moliya vaziri Skott Bessent Bloomberg telekanaliga bergan intervyusida ma’lum qilgan.

"Oxirgi haftada (muddat tugashidan oldin) bosim kuchayib borayotgani sababli hayajon bo‘lishi kutilmoqda", dedi u.

Bessent, bir qator davlatlar AQSh bilan “yaxshi niyat bilan muzokaralar olib borayotganini” qo‘shimcha qildi, biroq u yoki bu davlat bilan kelishuvga erishilmasa, AQSh ma’muriyati aprel oyida e’lon qilingan bojxona to‘lovlariga qaytishi mumkinligi haqida ogohlantirdi.

Eslatib o‘tamiz, 2 aprel kuni Tramp 185 ta davlat va hudud mahsulotlariga bojxona to‘lovlari joriy etilishini e’lon qilgan edi. 10 foizlik universal tariflar 5 apreldan, individuallari esa 9 apreldan kuchga kirdi.Bundan tashqari, AQSh ma’muriyati 3 apreldan boshlab barcha import qilingan avtomobillar uchun 25 foizlik bojxona to‘lovlarini joriy qildi.Tramp 9 aprel kuni muzokaralar o‘tkazishga tayyorligini ko‘rsatgan mamlakatlarga tariflarni oshirishni 90 kunga to‘xtatib qo‘yganini ma’lum qildi. Ularga import bojlari 10% ni tashkil qiladi.