Zelenskiy va Tramp o‘rtasidagi uchrashuv taxminan 50 daqiqa davom etdi

NATO'ning Gaagadagi sammiti doirasida AQSh va Ukraina prezidentlarining uchrashuvi bo‘lib o‘tdi va u taxminan 50 daqiqa davom etdi

Bu haqda “Suspilne” xabar bermoqda.

"Haqiqatan muhim bo‘lgan barcha masalalarni muhokama qildik. Janob prezidentga minnatdorchilik bildiraman, Qo‘shma Shtatlarga rahmat. O‘t ochishni to‘xtatish va haqiqiy tinchlikka qanday erishish mumkinligi haqida gaplashdik. Xalqimizni qanday himoya qilish haqida ham fikr almashdik", — dedi Ukraina prezidenti muzokaralar haqida.

Zelenskiy, shuningdek, Kiyev Vashingtonning "e’tiborini va tinchlikka erishishga ko‘maklashish istagini" qadrlashini aytdi. Ukraina yetakchisi uchrashuv tafsilotlarini keyinroq batafsil aytib berishga va’da berdi.