Yaponiya hukumati davlat zaxirasidan yana 200 ming tonna guruch ajratishni rejalashtirdi. Bu hajm guruchni chakana sotuvchilarga to‘g‘ridan-to‘g‘ri shartnomalar orqali sotish orqali amalga oshiriladi. Bu haqda Qishloq xo‘jaligi vaziri Sindziro Koidzumi ma’lum qildi, deya xabar beradi Kyodo News.
Shunday qilib, mamlakatda taxminan 100 ming tonna guruch zaxirasi qoladi. Ilgari bu ko‘rsatkich 910 ming tonnani tashkil etgan bo‘lsa, mart va aprel oylarida davlat uni kimoshdi savdolari orqali sotishni boshlaganidan so‘ng keskin kamaydi. Zaxiralarning tez tugashi favqulodda vaziyat vaqtida guruch yetishmasligi mumkinligidan xavotir uyg‘otdi.
Sindziro Koidzumi guruch kichik supermarketlar tarmoqlari, ixtisoslashtirilgan do‘konlar va yirik chakana sotuvchilarga tarqatilishini ma’lum qildi. Qishloq xo‘jaligi vazirligi chorshanba kunidan boshlab arizalarni qabul qilishni boshlaydi.
Yaponiya o‘tgan yozdan beri do‘konlarda guruch tanqisligini boshdan kechirmoqda. Bu guruch narxining yuqori darajada qolishiga olib keldi. Bu yilgi narx o‘tgan yilgidan ikki baravar qimmat.
Dollar va yevro keskin ko‘tarildi
Yurtimizda yana bir poraxo‘r amaldor qo‘lga tushdi!
Ukraina kutilmaganda havo jangida g‘alaba qozondi: F-16 Rossiyaning Su-35 samolyotini urib tushirdi
