Isroilning uch nafar askari G‘azodagi to‘qnashuvda o‘ldi

G‘azodagi to‘qnashuvlarda yana 3 nafar Isroil askari halok bo‘ldi.

Isroil armiyasining ma’lum qilishicha, G‘azo sektori shimolidagi to‘qnashuvlarda Givati brigadasining uch askari halok bo‘lgan. Halok bo‘lganlar 20 yoshli serjant Lior Shtaynberg, 20 yoshli serjant Ofek Barhana va 22 yoshli serjant Omer Van Gelderdir.

Isroil armiyasi ma’lumotlariga ko‘ra, 2023 yilning 7 oktyabr kuni eksklavga hujumlar boshlanganidan buyon G‘azodagi to‘qnashuvlarda halok bo‘lgan askar soni 861 nafarga yetdi.

Isroil armiyasi 2023 yil 7 oktyabrdan buyon G‘azo sektoriga intensiv havo hujumlarini amalga oshirib, o‘sha yilning 27 oktyabridan boshlab quruqlikdan hujum boshladi.

G‘azoga quruqlikdan hujum boshlagan Isroil askarlari va Falastin qarshilik kuchlari o‘rtasida muntazam shiddatli to‘qnashuvlar sodir bo‘ldi.