Germaniya fuqaroligini olish rekord darajada oshdi

2024 yilda Germaniya fuqaroligini olgan xorijliklar soni 2000 yilda yagona statistika boshlanganidan beri rekord darajaga yetdi.

Bu haqda Welt gazetasi Germaniya federativ shtatlari ma’lumotlariga tayanib xabar bermoqda. Manbaga ko‘ra, bunga fuqarolikka qabul qilish tartibini soddalashtirgan qonunchilikning yengillashtirilgani sabab bo‘lgan.

Nashrning qayd etishicha, 2000 yilda yagona statistika boshlanganidan beri 2024 yilda har qachongidan ham ko‘proq xorijliklar Germaniya fuqaroligiga qabul qilingan.

Nashr ma’lumotlariga ko‘ra, deyarli 250 ming kishi nemis pasportini olgan – bu rasmiy ma’lumotlarni taqdim etgan 16 federal shtatdan atigi 13 tasiga tegishli. 2023 yilda fuqarolikka qabul qilinganlarning umumiy soni 200 ming kishini tashkil etdi.

Yangi fuqarolarning asosiy oqimi Suriya va Turkiyadan kelgan. Nashrning ta’kidlashicha, ularning ko‘pchiligi qonunga kiritilgan o‘zgartirishlarda nazarda tutilgan avvalgi fuqaroligini saqlab qolish imkoniyatidan foydalangan. Shu bilan birga, pasport olganlar orasida sakkiz yildan kamroq vaqt davomida mamlakatda yashovchi muhojirlarning ulushi deyarli o‘zgarmagan.