Bryansk viloyatida poyezd halokati tufayli jabrlanganlar soni 104 nafarga yetdi

Bryansk viloyatining (Rossiya Federasiyasi) Vigonichskiy tumanida poyezd ustiga ko‘prikning qulab tushishi oqibatida jarohatlaganlar soni 104 nafarga yetdi, dedi viloyat gubernatori Aleksandr Bogomaz.

Favqulodda vaziyatlar xizmati vakilining bugun RIA Novostiga ma’lum qilishicha, voqeadan keyin to‘rt nafar bola shifoxonada davolanmoqda.

1 iyunga o‘tar kechasi Bryansk viloyatining Vigonichskiy tumanida avtomobil ko‘prigi qulab tushdi. Uning vayronalari ostidan o‘tayotgan 86-sonli Klimov-Moskva yo‘lovchi poyezdi ustiga qulab tushgan, lokomotiv va vagonlar relsdan chiqib ketgan. Yetti kishi halok bo‘ldi, 100 ga yaqin kishi jarohat oldi. Bryansk viloyati gubernatori Aleksandr Bogomaz poyezd harakatlanayotganda ko‘prik portlatib yuborilganini ma’lum qildi. Voqea yuzasidan jinoiy ish ochilgan, deb xabar beradi ria.ru.

Tergov qo‘mitasi vakili Svetlana Petrenkoning RIA Novostiga ma’lum qilishicha, bu ish xuddi Kursk viloyatida portlatilgan ko‘prik ishi kabi boshqarma boshlig‘i Aleksandr Bastrikinning ko‘rsatmasi bilan Bosh tergov boshqarmasiga o‘tkaziladi.