Turkiyada “Tungi muzeylar” loyihasi iyun oyida yangi mavsumini boshlaydi

Turkiyaning madaniy diqqatga sazovor joylarini tunda kashf qilish imkonini beruvchi “Tungi muzeylar” loyihasi iyun oyida yangi mavsumini boshlaydi. Turkiya Madaniyat va turizm vazirligi tomonidan o‘tgan yili yo‘lga qo‘yilgan loyiha katta qiziqish uyg‘otdi va Turkiyaning eng muhim madaniy meros ob’ektlari bo‘lgan Izmirning Efes shahri va Denizlining Hiyerapolisi (Pamukkale)ga 395 mingdan ortiq sayyoh tashrif buyurdi. Joriy yilning yozida loyiha doirasida butun mamlakat bo‘ylab 25 ta ob’ekt yoritiladi va kechgi vaqtgacha ochiq bo‘ladi.

Tashabbus Turkiyaning 12 oy davomida 81 shaharda turizmni kengaytirish qarashlariga muvofiq barqaror turizmni qo‘llab-quvvatlaydi va loyiha hozirda Istanbulning Galata minorasi, Kappadokiyaning muhim arxeologik obidalari va yer osti shaharlari hamda Turkiya bo‘ylab ko‘plab maftunkor tarixiy joylaridan iborat jami 25 ta joyni qamrab oldi.

Istanbul va Anqaradagi ikonik muzeylarda kengaytirilgan ish soatlari

“Tungi muzeylar” loyihasi doirasida Istanbul va Anqaradagi muhim madaniy markazlarda ish soatlari uzaytiriladi. Istanbulda Arxeologiya muzeylari (yopiq maydonlar bundan mustasno), Aya Sofiya tarix va tajriba muzeyi, Turk va islom san’ati muzeyi soat 22.00 gacha ochiq bo‘ladi. Ayni paytda, Galata minorasini soat 23:00 gacha ziyorat qilish imkoniyati mavjud. Turkiyaning poytaxti Anqarada Respublikaning eng qadimgi ikki muzeyi ham tungi ziyoratchilar uchun ochiqdir. Xettlar, Urartular, Frigiyaliklar va boshqa ko‘plab asarlar saqlanadigan Onado‘li sivilizasiyalari muzeyi va Otaturkning birinchi dam olish maskani bo‘lgan Etnografiya muzeyi soat 21:00 gacha ochiq bo‘ladi.

Egey va Turk Riviyerasi bo‘ylab abadiy meros

Turkuaz rangli Egey qirg‘og‘i va serquyosh Turk Riviyerasida quyosh botgandan keyingi sehrli manzara ko‘zni qamashtiradi. Yuqori sifatli hayoti va Egey oshxonasi bilan mashhur bo‘lgan Izmir, Rim davrida gullab-yashnagan Efes, Madaniyat va san’at fabrikasi kechqurun mahalliy va xalqaro sayyohlar bilan gavjumdir va 23:00 gacha ochiqdir. 140 yillik Alsanjak Tekel fabrikasidan qayta tiklangan Madaniyat va san’at fabrikasi Izmir sanoat merosining muhim elementi sifatida shaharning eng ko‘zga ko‘ringan manzillaridandir.

Mug‘ladagi Bodrum suv osti arxeologiya muzeyi soat 22:00 ga qadar ochiq bo‘lsa, Denizlidagi Hiyerapolis qadimiy shahrini soat 23:00 gacha ziyorat qilish mumkin. Turkiyaning O‘rta yer dengizi sohiliga kelsak, Antaliyada ham tungi tashriflar mavjud bo‘ladi. Antaliya muzeyi, Alaniya muzeyi, Nekropol muzeyi va Aspendos, Patara va Side arxeologik yodgorliklari soat 22:00 gacha faoliyat yuritadi.

Onado‘li bo‘ylab….

Turkiyadagi boshqa ko‘plab tarixiy boyliklar ham ish vaqtini uzaytiradi. Kommageniya qiroli Antiox I tomonidan o‘rnatilgan ulkan haykallari bilan mashhur va Adiyamandagi YUNESKOning Jahon merosi bo‘lgan Nemrut tog‘i quyosh chiqishidan bahra olishni istaganlar uchun ertalab soat 04:00 dan 9:00 gacha yoritiladi va ochiq bo‘ladi. Kappadokiyada peri bajalarga boy Nevshehir, Derinkuyu, Kaymakli va O‘zkonak yer osti shaharlari soat 21:00 ga qadar faoliyatini davom ettiradi.

Janubi-sharqiy Onado‘lining ikki muhim shahri Gaziantep va Shanliurfa ham kechalari ikonik muzeylarining eshiklarini ochadi. Qadimgi Zeugma shahrining ajoyib mozaikalari bilan bir qatorda Rim davridan qolgan haykallari namoyish etilgan Gaziantep Zeugma mozaika muzeyi soat 21:00gacha ishlaydi. Turkiyaning oshpazlik poytaxti va gastronomiya bo‘yicha YUNESKOning ijodiy shahri Gaziantep, Go‘beklitepe va Karahantepe kabi dunyodagi eng qadimiy neolit obidalari joylashgan Shanliurfa, shuningdek, 21:00 ga qadar ochiq ikkita muzeyga ega: Ko‘rgazma maydoni bo‘yicha Turkiyadagi eng yirik va 4,5 kilometrlik yo‘lda 10 000 dan ortiq asar namoyish etilgan dunyodagi eng yirik muzeylardan biri Shanliurfa muzeyi va Turkiyaning eng katta ustunsiz inshooti bo‘lgan Haleplibahche mozaika muzeyi. Qoradengiz hududidagi Samsun muzeyi Kalkolit, Ilk Bronza, Xet, Ellinistik va Rim davrlariga oid asarlarni 22:00 ga qadar namoyish etadi. “Tungi muzeylar” loyihasi doirasida Turkiya sharqidagi Erzurum muzeyi ish vaqtini uzaytiradi va soat 21:00 gacha ochiq qoladi.