"Bizga ilg‘or harbiy kuchlarga ega davlatlar to‘g‘ridan-to‘g‘ri tahdid solmoqda, shuning uchun biz jang qilish va g‘alaba qozonishga tayyor bo‘lishimiz kerak", — deb yozdi Kir Starmer The Sun gazetasi uchun tayyorlangan materialda.
Britaniya hukumati rahbarining so‘zlariga ko‘ra, London qurolli kuchlarni "har qachongidan ham integrasiyalashgan, shay va qudratli" qilish uchun sarmoya kiritadi.
Buyuk Britaniya hukumati 2 iyun kuni kamida oltita qurol zavodini qurish va 7 mingtagacha uzoq masofali qurollarni ishlab chiqarish uchun qo‘shimcha 1,8 milliard yevro mablag‘ ajratilishini rasman e’lon qilishi kutilmoqda.
"Britaniya hukumati Rossiya va Xitoyni asosiy tahdidlar sifatida ko‘rmoqda", — deya ma’lum qildi Qirollik Mudofaa vazirligi rahbari Jon Hili BBC bilan suhbatda.
Uning so‘zlariga ko‘ra, mudofaa sanoati korxonalarini tashkil etish nafaqat o‘q-dorilar ishlab chiqarish, balki butun Buyuk Britaniya bo‘ylab ish o‘rinlarini yaratish imkonini beradi.
Dahshat! Vafot etgan 88 yoshli ayol tobutda hushiga keldi
Zelenskiy Klichkoning so‘zlaridan so‘ng jiddiy ogohlantirish yubordi
BAA bosh murabbiyi muxlislarga murojaat bilan chiqdi
