Turkiyaning "Fenerbaxche" klubi bosh murabbiyi Joze Mourinyo Portugaliya terma jamoasining navbatdagi ustozi bo‘lishi kutilmoqda. Bu haqda NT Spor xabar berdi.
Manbaga ko‘ra, 62 yoshli portugaliyalik mutaxassis allaqachon terma jamoa bilan dastlabki kelishuvga erishgan. Mourinyoning rasman tayinlanishi iyun oyida bo‘lib o‘tadigan Millatlar ligasi final o‘yinlaridan keyin kutilmoqda.
4 iyun kuni Roberto Martines boshchiligidagi Portugaliya terma jamoasi Millatlar ligasi yarim finalida Germaniyaga qarshi bahs olib boradi. Ikkinchi yarim finalda Ispaniya va Fransiya bellashadi.
Turnirning final jangi 8 iyunga belgilangan.
