Dembele "Arsenal"ga qarshi javob o‘yinida maydonga tushmasligi mumkin

Usmon Dembele "Arsenal"ga qarshi javob o‘yinida ishtirok etishi so‘roq ostida.

RMC Sport nashri xabariga ko‘ra, "PSJ" vingeri birinchi o‘yindayoq o‘ng sonining orqa qismini jarohatlagan va ehtiyot chorasi sifatida bugun asosiy guruh bilan mashg‘ulot o‘tkazmagan.

Parijliklarning eng yaxshi to‘purari Liga 1 doirasida (3 may) "Strasburg"ga qarshi o‘yinni o‘tkazib yuborishi kutilmoqda, biroq uning "Arsenal"ga (7 may) qarshi o‘ynashi hali aniq emas.

Dembele bu mavsumda Chempionlar ligasida sakkizta gol urdi, shu jumladan seshanba kuni "Arsenal"ga qarshi o‘yinda g‘alaba to‘pini kiritdi.