Нью Йоркнинг янги мэри Зоҳран Мамдани ўз лавозимининг биринчи кунидаёқ собиқ мэр Эрик Адамснинг бир қатор кўрсатмаларини бекор қилувчи фармонни имзолади. Бекор қилинган чоралар орасида аввалги мэрнинг Исроилга хайрихоҳ фармойишлари ҳам бор.
Фармон матнига кўра, 2024 йилнинг 26 сентябридан 2025 йил 31 декабргача имзоланган ва амалда бўлган барча фармойишлар бекор қилинади. Илгариги ижро буйруқлари, агар улар алоҳида ўзгартирилмаган ёки бекор қилинмаган бўлса, ўз кучини сақлаб қолади. Ҳозирда амалда бўлган фавқулодда фармойишларга бу қарор тааллуқли эмас.
Бекор қилинганлар орасида ўтган ойда шаҳар идораларига Исроилни бойкот қилиш ёки ундан активларни чиқариб олишни тақиқловчи фармон ҳам бор. Июнь ойида қабул қилинган яна бир бекор қилинган кўрсатма антисемитизмнинг кенг таърифини қўллаб-қувватлаб, Исроилни танқид қилишнинг айрим шаклларини антисемитизм сифатида таснифлар эди. Аммо Мамдани олдинги маъмурият ташкил этган антисемитизмга қарши кураш идорасини тугатмаган.
The New York Times газетасининг хабар беришича, Нью Йорк фуқаролик эркинликлари иттифоқи ташкилоти директори Донна Либерман бекор қилинган фармойишлар аввалги мэр қўшилмаган нуқтаи назарларни чеклашга қаратилган сўнгги чоралар бўлиб туюлганини билдирган. У янги маъмуриятнинг уларни бекор қилиш қарори кутилмаган ҳодиса бўлмаганини қўшимча қилган.
Саида Мирзиёева: Бу фожиа нафақат Ўзбекистонга, балки барча постсовет мамлакатларига хосдир"
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
