Украина президенти Владимир Зеленский мамлакат АҚШдан 30–40–50 йилга мўлжалланган хавфсизлик кафолатларини олиш истагини билдирди. Бу ҳақда у Европага қайтиши чоғида ОАВ билан онлайн мулоқотда маълум қилди.
Зеленскийнинг айтишича, АҚШ президенти Дональд Трамп билан бўлиб ўтган музокараларда Украинага кучли хавфсизлик кафолатлари бериш масаласи муҳокама қилинган. Амалдаги ҳужжатларда 15 йиллик муддат назарда тутилган бўлиб, уни узайтириш имконияти мавжуд.
«Биз деярли 15 йилдан бери уруш ҳолатидамиз. Шу боис кафолатлар анча узоқ муддатли бўлишини истаймиз», — деди Зеленский. Унинг сўзларига кўра, Трамп 30–50 йиллик кафолатлар масаласини кўриб чиқишини айтган.
Шунингдек, Франция президенти Эммануэль Макрон январь ойи бошида Парижда Украина учун хавфсизлик кафолатлари бўйича «қатъиятли давлатлар коалицияси» йиғилиши ўтказилишини маълум қилди.
Маълумотларга кўра, Зеленский ва Трамп тинчлик музокаралари доирасида Флоридада учрашган, суҳбатдан сўнг Трамп Россия президенти Владимир Путинга қўнғироқ қилишини билдирган.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Ўқитувчилар ва тиббиёт ходимларининг ойлиги 2 баравар оширилади
Мактаб ва коллеж битирувчилари 1 йиллик ҳарбий хизматга жалб қилинади
