Украина президенти Володимир Зеленский АҚШ президенти Доналд Трампнинг Украина ва Россия делегациялари ўртасида 15 май куни Истанбулда бўлиб ўтиши мумкин бўлган тўғридан тўғри музокараларида қатнашиш ғоясини тўғри деб ҳисоблайди. «Албатта, Украинада ҳаммамиз президент Трамп биз билан бирга бўлишини истардик — Туркиядаги ушбу учрашувда. Бу тўғри фикр. Биз кўп нарсани ўзгартиришимиз мумкин», деб ёзди Зеленский 12 май, душанба куни кечқурун Telegramʼда. Бу ҳақда Кун.uz хабар берди,
У аввалроқ АҚШ президентининг «тўлиқ ва сўзсиз ўт очишни тўхтатиш» ва Россия президенти Владимир Путин билан тўғридан тўғри музокаралар олиб бориш ҳақидаги таклифини қўллаб-қувватлаганини эслатди. «Учрашувга тайёр эканлигимни очиқ айтдим. Туркияда бўламан. Руслар бу учрашувдан қочмайдилар, деб умид қиламан», — дея таъкидлади Украина раҳбари. Унинг сўзларига кўра, Украина «ўз тарафидан сукут сақлашга тайёр».
Путин 15 май куни Туркияда Украина билан «олдиндан ҳеч қандай шартларсиз» тўғридан тўғри музокаралар ўтказишни таклиф қилган, шу билан бирга Европа давлатлари ва АҚШнинг 30 кунлик сулҳ эълон қилиш ҳақидаги чақириқларига эътибор бермаган. Зеленский Истанбулда Путин билан бевосита музокараларга тайёр эканлигини айтди. «Мен Путинни пайшанба куни Туркияда кутаман. Шахсан ўзим. Умид қиламанки, бу сафар россияликлар буни қила олмаслигига сабаб изламайдилар», — деди у аввалроқ. Кремль бу хабарга жавоб бермади. Айни пайтда Трамп эҳтимолий музокаралар куни Истанбулга шахсан учиб кетиши мумкинлигини тан олди.
