Украина президенти Владимир Зеленский Ватиканда АҚШ президенти Дональд Трамп билан қисқа юзма-юз учрашув бошқа иштирокчилар иштирокида Овал кабинетдаги аввалги учрашувга қараганда самаралироқ бўлганини айтди.
ABC News телеканалига берган интервьюсида Украина давлати раҳбари 15 дақиқа давом этган яккама-якка учрашувни “яхши ва самарали” деб баҳолаган.
"Вақт ва имконият керак. Ватикандаги бу 15 дақиқалик яккама-якка суҳбат Овал кабинетдаги катта доирадаги учрашувдан кўра кўпроқ нарсани берди", - дея таъкидлади у.
Овал кабинетда Трамп билан бўлиб ўтган ва оммавий баҳс билан якунланган учрашувни шарҳлар экан, Зеленский ўзи учун “қийин бўлганини” тан олди. У, шунингдек, Америка раҳбари билан кўпроқ ҳамкорлик қилишга умид қилишини қўшимча қилди.
Икки давлат раҳбарларининг учрашуви 26 апрель куни Ватиканда бўлиб ўтган ва у ерга ўнлаб дунё етакчилари Рим папаси Франкискнинг дафн маросимига келган. Украина президенти девони Трамп билан навбатдаги учрашув 15-17 июнь кунлари Канадада бўлиб ўтиши режалаштирилган G7 саммити доирасида бўлиб ўтишини кутмоқда.
Даҳшат! Эрон биринчи марта замонавий вертикал ракеталардан фойдаланмоқда
Ута Абе Диёра Келдиёровага "вызов" ташлади
Ниҳоят! Араб давлатлари Эрон — Исроил уруши борасида "тилга кирди"
