Зеленский: “Россиянинг Украинадаги тунги зарбалари натижасида тўрт киши ҳалок бўлди”

Украинада Россия Қуролли Кучларининг тунги зарбалари натижасида тўрт киши ҳалок бўлди.

Бу ҳақда Украина Президенти Владимир Зеленский ижтимоий тармоқларда эълон қилди.

"Ҳозирда Киев, Суми, Харьков, Днепр ва Николаев вилоятларида кенг кўламли ҳужум оқибатларини бартараф этиш бўйича ишлар олиб борилмоқда. Асосий нишон Киев вилоятининг энергетика инфратузилмаси эди, аммо афсуски, оддий турар-жой бинолари, мактаблар ва фуқаролик корхоналарига ҳам тўғридан-тўғри зарбалар ва зарар етказилди. Айни пайтда тўрт киши ҳалок бўлгани ҳақида хабар берилган... Кўп одамлар жароҳатланган ва баъзилари ҳали ҳам тиббий ёрдамга мурожаат қилмоқда", деб таъкидлади у.

Зеленскийнинг хабар беришича, ўтган кеча Россия Қуролли Кучлари Украина ҳудудига турли хил турдаги тахминан 430 та учувчисиз учиш аппаратлари ва кўп сонли ракеталарни, жумладан, 13 та баллистик ракеталарни учирган.