Лукашенко НАТО ва Украинага таҳдид қилди

Беларус президенти Александр Лукашенко Украина ва НАТО мамлакатларига таҳдид қилди.

У «Орешник» ракетаси зарбасидан қутилиб қолиш учун Беларусдан «узоқроқ туришга» чақирди. Бу Лукашенконинг Украинанинг республикада жойлаштирилган Россия ракета тизимини НАТОнинг қонуний нишони деб ҳисоблаш таклифига берган изоҳи бўлди.

«Бу мутлақо бемаънилик ва бу ҳақда фақат аҳмоқлар гапиряпти. Мен эртага биз бу «Орешник» ракетасини Вилнюс, Варшава ёки Киевга учирамиз, демоқчи эмасман. Худо сақласин. Бу бизнинг вазифамиз эмас. Биз мамлакатимизни ҳимоя қилишимиз керак. Ва «Орешник» зарбасидан қутилиб қолиш учун бизнинг ишга аралашманг», деди Лукашенко (БЕЛТА иқтибоси). Унинг сўзларига кўра, масалалар «инсонпарварлик билан ҳал қилиниши» керак.

23 феврал куни Украина президенти Владимир Зеленский НАТО мамлакатлари Беларусда жойлаштирилган «Орешник» ракета тизимини қонуний нишон деб ҳисоблашлари кераклигини айтди. Унинг аниқлик киритишича, Александр Лукашенко катта хатога йўл қўймоқда ва Украина «буни таҳдид сифатида баҳолайди».

Ўтган йилнинг ноябр ойида Россия президенти Владимир Путин ракета тизимини серияли ишлаб чиқариш бошланганини эълон қилди. Биринчи «Орешник» 17 декабрдан бери Беларусда жойлаштирилди. Александр Лукашенко мамлакатда максимал 10 та шундай тизим жойлаштирилишини айтди. 30 декабрь куни «Орешник» тизими Беларусда жанговар навбатчиликка кирди.