Украина президенти Владимир Зеленский якшанба куни Россия билан кенг кўламли асирлар алмашинуви давом этишини маълум қилди. Икки кун ичида 697 нафар украиналик ҳарбий хизматчи, жумладан, Украина Қуролли кучлари, Миллий гвардия ва Давлат чегара хизматининг оддий аскарлари ҳамда сержантлари ватанига қайтди.
"Эртага алмашинувнинг учинчи босқичи бошланади – тахминан минг нафар юртдошимиз озод этилиши кутилмоқда," деди Зеленский. Озод қилинганларнинг аксарияти Донетск вилоятида, кўпчилиги 2022 йилдаёқ, шунингдек, Херсон, Запороже, Харков вилоятлари ва Луганшчина ҳудудларидан асирга олинган эди.
Президент Россияда ушлаб турилган барча украиналикларни озод қилиш разведка хизмати, дипломатлар ва бутун давлат учун устувор вазифа эканлигини таъкидлади. Шунингдек, у Россия қўшинлари ҳар куни Киев ва бошқа шаҳарларга ўқ ёғдираётганини қайд этиб, АҚШ, Европа ва бошқа ҳамкорларни Москвага нисбатан босимни кучайтиришга чақирди.
"Украина натижага олиб келадиган ва ҳақиқий хавфсизликни таъминлайдиган ҳар қандай дипломатияга тайёр. Россия эса урушни чўзишни давом эттирмоқда. Келгуси ҳафта тинчлик йўлида фаол ҳаракатлар қилиш вақти бўлиши лозим," - дея таъкидлади Зеленский.
Украина кутилмаганда ҳаво жангида ғалаба қозонди: F-16 Россиянинг Су-35 самолётини уриб туширди
“Келинг, шундай келишайлик: Биз Украинада бундай ракеталарни маълум миқдорда жойлаштирамиз"
АҚШ молия вазири Илон Маскнинг кўзини кўкартирди
