Украина президенти Владимир Зеленский Ғарб иттифоқчиларини ҳаво ҳужумидан мудофаа соҳасида ёрдам беришга чақириб, Россия ўтган ҳафтанинг ўзида 1100 дан ортиқ глид-бомбалар ва 560 дан ортиқ дрон ёрдамида ҳужум уюштирганини айтди.
Илгари Тwиттер ҳисобланган Х саҳифасида ёзган Зеленский, Москва кучлари унинг мамлакатига 20 га яқин ракета ва қанотли ракеталарни отганини айтди.
Зеленскийнинг постида сўнгги вайронагарчиликлар акс этган видео бор эди.
Киев ўз иттифоқчиларидан Россиянинг ҳаводан ҳужумларини тўхтатиш учун ҳаво ҳужумидан мудофаа имкониятларини бир неча бор сўраган.
Украина ҳарбийлари, шунингдек, Россия ҳудудидаги нишонларга зарба бериш учун узоқ масофали қуроллардан фойдаланишга рухсат сўраган.
Аммо АҚШ ва Британия раҳбарлари бу қарорни кейинга қолдирди, чунки Москва бу ҳаракат Ғарбнинг урушга бевосита аралашуви сифатида қаралишини бир неча бор таъкидлаган.
Россия президенти Владимир Путин якшанба куни Украинага бундай операция учун фақат НАТОга тегишли разведка маълумотлари кераклигини айтди.
Россияда вақтинча меҳнат фаолиятини олиб бораётган ҳамюртларимиз учун муҳим хабар
Россия табиий газни қурол сифатида ишлатмоқда
Россиянинг газ бизнесида "тарихий воқеа" юз берди: Европага газ бериш нега тўхтатилди?
