Зеленский “рашизм” атамасига расмий таъриф берувчи қонунни имзолади

Украина президенти Зеленский “Тарихий хотирани сақлаш бўйича давлат сиёсати тўғрисидаги” қонунни имзолади. Бу ҳақда Украинанинг “Судебно-юридическая газета” нашри хабар берди.

Қонунда илк бор “Украина мустақиллиги учун уруш”, “тарихий антиукраин тарғиботи”, “украин халқига қарши жиноятлар”, каби бир нечта тушунчаларга давлат даражасида расмий таъриф берилди.

Шунингдек, ҳужжатда “рашизм” атамаси ҳам расмий равишда таърифланди. Унда “рашизм” Россияда шаклланган нацистик тоталитар тузум асосидаги идеология ва амалиёт сифатида қайд этилган. Унинг илдизлари рус шовинизми, империализми ҳамда коммунистик ва нацистик тузумлар анъаналари билан боғлаб кўрсатилган.