Зеленский Путиннинг музокаралар ҳақидаги таклифини қабул қилишга тайёр эканини билдирди, агарда...

Зеленский агар Россия эртадан бошлаб ўт очишни тўхтатишга рози бўлса, Путиннинг музокаралар ҳақидаги таклифини қабул қилишга тайёр эканини билдирди.

"Бу — яхши ишора, ниҳоят россияликлар урушни тугатиш ҳақида ўйлай бошлашди. Жаҳон ҳамжамияти буни жуда узоқ вақтдан бери кутаётганди. Қирғинбарот урушни ҳатто бир кун давом эттиришнинг ҳам маъноси йўқ. Биз Россия эртага, 12 майдан бошлаб тўлиқ, узоқ муддатли ва ишончли асосда ўт очишни тўхтатишни тасдиқлашини кутмоқдамиз, Украина учрашишга тайёр", — деди Украина президенти.