Украина президенти Владимир Зеленский Кремль раҳбари Владимир Путиннинг Россия Киевнинг аэродромларга берган зарбаларига жавоб қайтариши ҳақидаги таҳдидларига кескин муносабат билдирди.
Бу ҳақда Униан нашри хабар берди.
"Путин ўзини жазосиз ҳис қилмоқда ва Россиянинг барча даҳшатли зарбаларидан кейин ҳам у гўёки бошқа "жавоблар" тайёрлаяпти", — деди Зеленский.
Унинг сўзларига кўра, кўпчилик Россия билан турли даражадаги музокаралар олиб борган, бироқ бу музокаралар на мустаҳкам тинчликка, на урушни тугатишга олиб келган.
Президентнинг сўзларига кўра, айнан Москва тинчликка интилиши керак ва улар бу уруш қимматга тушишини тушунишлари керак.
Украина раҳбари фикрича, агар жаҳон ҳамжамияти Путиннинг таҳдидларига заиф жавоб қайтарса, бу унинг хатти-ҳаракатига розилик сифатида қабул қилинади.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
