Украина президенти Владимир Зеленский Германияга ташрифи чоғида Европа ва америкалик ҳамкорлар билан Россия-Украина можаросини ҳал қилиш бўйича бир қатор учрашувлар ўтказишини маълум қилди.
Бу ҳақда Зеленский ўзининг Telegram’даги каналида ёзди.
"Биз ҳозирда яқин кунларда Америка томони ва европалик дўстларимиз билан учрашувларга тайёргарлик кўряпмиз. Берлинда кўплаб тадбирлар бўлади. Энг муҳими, мен президент Трамп вакиллари билан, шунингдек, европалик шерикларимиз, кўплаб етакчилар билан тинчлик пойдевори – урушни тугатиш бўйича сиёсий келишув бўйича учрашувлар ўтказаман.
Энди муҳим имконият бор. Биз Украина учун муносиб тинчликни таъминлаш, кафолатни таъминлаш учун ҳаракат қилмоқдамиз - кафолат, биринчи навбатда, Россия Украинага учинчи босқин билан қайтмайди. Биз Берлинда шу кунларда келишувни чинакамига амалга оширишга қодир бўлган ҳар бир киши билан имкон қадар фаол ва конструктив ишлаймиз”, — деди Украина раҳбари.
Зеленский шунингдек, Украина ҳукумати амалдорлари билан АҚШ ва Европа Иттифоқи вакиллари ўртасида Украинани урушдан кейинги қайта тиклаш бўйича музокаралар ҳам давом этаётганини маълум қилди.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Қаршида саунада фаолият юритган фоҳишахона аниқланди
