Зеленский G7 саммитида Украина учун йилига 40 миллиард доллар маблағ сўради

Украина президенти Владимир Зеленский Ғарб давлатларидан йиллик молиявий ёрдам сифатида 40 миллиард доллар сўради.

У бу ҳақда "Катта еттилик" (G7) етакчиларининг навбатдан ташқари йиғилишида баёнот берди.

"Украинага ҳар йили бюджетдан 40 миллиард доллар ёрдам бериш - бизнинг барқарорлигимиз учун муҳим, токи бизнинг мамлакатимиз ўзини ушлаб туришда давом этиши мумкин. Ва бу G7 етакчиларининг, жумладан, АҚШнинг умумий қарори бўлиши керак", - деди у.

Украина раҳбари, шунингдек, Киевни ҳаво ҳужумидан мудофаа тизимлари билан таъминлашни ва унинг сўзларига кўра, Украина томони ривожлантираётган тўхтатувчи учувчисиз самолётлар ишлаб чиқаришни молиялаштиришни сўради.