Атом энергияси бўйича халқаро агентлик (МАГАТЭ) гуруҳи Запорожье АЭС участкаси яқинидаги ёрдамчи иншоотлардан бирида портлаш ва тутун чиққанини қайд этди.
Бу ҳақда агентлик бош директори Рафаэль Гросси баёнотида маълум қилинган.
Унинг сўзларига кўра, Запорожье АЭС маъмурияти вакиллари МАГАТЭга объект соат 9:00 дан бери, жумладан, дронлардан ҳам ўққа тутилгани ҳақида маълум қилган.
Баёнотда қайд этилишича, ёрдамчи иншоот Запорожье АЭС участкасидан 1200 метр узоқликда жойлашган.
"Бу ўтган ҳафталар ва ойлар ичида содир бўлган бир қатор ҳодисаларнинг сўнггиси бўлиб, бу Запорожье АЭСидаги ҳарбий можаро пайтида ядро хавфсизлигига потенциал таҳдидларни яна бир бор таъкидлайди. Атом электр станцияси яқинидаги ҳар қандай ҳужум ядро хавфсизлигига потенциал таҳдид туғдиради ва унинг олдини олиш керак", - дея таъкидлади Гросси ёзма баёнотида.
Пўлат Бобожонов лавозимидан озод этилди, Абдусалам Азизов янги лавозимга тайинланди
Telegram’да янги функция пайдо бўлди (фото)
UFC жангчиси Шавкат Раҳмоновнинг рафиқаси 10 йилга қамалиши мумкин
