2023 йилнинг ёз ойларида Туркияга 2,56 миллион россиялик сайёҳ ташриф буюрди. Бу 2022 йилнинг июнь-август ойларига нисбатан 19 фоизга кўп, бироқ сайёҳлар сони ҳали ҳам пандемиядан олдинги даражага етмаган.
РБК Туркия туризм ва маданият вазирлигига таяниб, 2022 йил ёзида Туркияга 2,15 миллион россиялик ташриф буюрганини хабар қилмоқда.
2023 йилнинг январь-август ойлари орасида Туркияга 4,35 миллион Россия фуқароси ташриф буюрди. Бу 2022 йилнинг шу даврига нисбатан 44 фоизга кўп, ўшанда уч миллион киши бор эди.
Туркияга келган хорижлик сайёҳлар орасида руслар ҳамон биринчи ўринда. Иккинчи ўринда Германия фуқаролари, учинчи ўринда Британия фуқаролари.
