Ёқутистонда ҳаво минус 51 бўлиши тахмин қилинмоқда

Ёқутистонлик синоптиклар вилоят марказида ҳаво ҳарорати минус 51 даражагача тушиши ҳақида огоҳлантирди. Бўрон ҳақида огоҳлантириш эълон қилинди.

Бу ҳақда "ТАСС" хабар бермоқда.

"Хавфли об-ҳаво ҳодисаси ҳақида огоҳлантириш. 2025 йилнинг 1 январидан 4 январигача Якутск ва унинг атрофида ғайритабиий совуқ об-ҳаво кузатилади, ҳавонинг ўртача кунлик ҳарорати иқлим меъёридан 7°С ва ундан кўпроққа пасаяди", — дейилади хабарда.

2 январь куни прогнозга кўра, Якутскда ҳаво ҳарорати кечаси минус 51 даражагача тушиши мумкин.