Банклар «Манчестер Сити» билан боғлиқ трансферларни молиялаштиришдан бош торта бошлади.
Бу ҳақда Bloomberg портали хабар бермоқда.
Манбага кўра, кредиторлар Англия Премьер-лигасининг (АПЛ) молиявий қоидаларини бузгани учун «шаҳарликлар»га нисбатан мустақил комиссия қандай қарор чиқаришини кутишни маъқул кўрмоқда.
Гап «Манчестер Сити»нинг янги футболчиларни сотиб олиш билан боғлиқ трансферлари ҳақида кетмоқда. Бундай ҳолатларда банклар томонидан ажратиладиган кредитлар футболчини сотувчи клубга трансфер пулининг катта қисмини «шаҳарликлар»дан тўловлар келиб тушишини кутмасдан, олдиндан олиш имконини беради. Бундай схемалар орқали банклар хусусий кредитлаш бозоридаги йирик мижозларни жалб қилади.
Bloomberg маълум қилишича, Германиянинг Oldenburgische Landesbank AG банки Алан Андраденинг «Палмейрас»дан 34 миллион фунт стерлингга (тахминан 44,9 миллион доллар) трансферини молиялаштириш бўйича битимдан чиққан. Ушбу трансфер 2026 йил ёзида расмийлаштирилган.