Йил давомида Россия Google'дан 784 000 та контентни олиб ташлашни талаб қилди

Бу ҳақда журналистлар Google'нинг шаффофлик ҳисоботини таҳлил қилган “Верстка” интернет нашри хабар бермоқда. Бу ўтган йилга нисбатан 20 фоизга кўп ва 2009-йилда статистик маълумотлар эълон қилина бошлаганидан бери рекорд кўрсаткичдир, дея қайд этади нашр.

Россия расмийлари олиб ташлашни талаб қилаётган контент ҳажми кетма-кет 14 йил давомида ортиб бормоқда. “Украинага тўлиқ миқёсда бостириб киришдан кейинги уч йил ичида бундай контент ҳажми деярли икки баравар кўпайди – 2021-йилда Google'га атиги 393,7 минг контентни олиб ташлаш бўйича сўровлар келиб тушган”, — дейилади нашрда.

Россия расмийлари 2024-йилда олиб ташламоқчи бўлган контентнинг деярли 95 фоизи Google қидирув натижаларидаги ҳаволалар, қолган 5 фоизи эса You Tube'даги видеолар эди, дея аниқлик киритади Верстка. “Россия ҳукумати 24,6 минг бирлик контентни, уларнинг фикрича, миллий хавфсизликка таъсир қилиши, 1,4 минг бирлиги ўз жонига қасд қилиш тарғиботини ўз ичига олгани учун, 17,5 минг бирлиги муаллифлик ҳуқуқи бузилгани ва яна 2,5 минг бирлиги “гиёҳванд моддаларни истеъмол қилгани” сабабли олиб ташлашни талаб қилди”, — дейилади нашр маълумотларга таяниб.

2024-йилда Google 56 000 га яқин контентни ўчириш бўйича сўровларни кўриб чиқди ва 30 000 дан сал ортиғи олиб ташланди.