Яқин Шарқдаги можаро фонида юзага келган газ танқислиги Ҳиндистон аҳолисини яна ўтин ва кўмирдан фойдаланишга қайтарди. Бу ҳақда The Times of India хабар бермоқда.
«Суюлтирилган нефть гази баллонларини ҳеч қаердан топиб бўлмагани сабабли, бизда ўтин печларимизнинг чангини артиб, улардан фойдаланишдан бошқа чора қолмади», — деди Мадхья-Прадеш штатининг Бхопал шаҳри фуқароси Шану Модак.
Яна бир уй бекасининг таъкидлашича, одамлар худди бувиларининг давридагидек яна ўтин ёришга ва олов ёқишга мажбур бўлишмоқда.