Сешанба куни Африка футбол конфедерацияси (КАФ) апелляция комиссияси 2025 йилги Африка Миллатлар Кубоги финали натижасини бекор қилди. Сенегал терма жамоасига Марокаш билан учрашув якунида майдонни тарк этгани учун техник мағлубият ёзилди.
Сешанба куни, 17 март санасида комиссиянинг йиғилиши бўлиб ўтди ва унда Марокаш томонидан берилган апелляция кўриб чиқилди.
Оммавий ахборот воситаларига тарқатилган пресс-релизда шундай дейилган: «Африка футбол конфедерациясининг апелляция ҳакамлар ҳайъати Африка Миллатлар Кубоги (КАН) регламентининг 84-моддасига мувофиқ, Сенегал миллий терма жамоасини финалга «келмаган» деб топди, шу сабабли Марокаш Қироллик футбол федерацияси фойдасига 3:0 ҳисобидаги ғалаба тасдиқланди».
Турнирнинг 18 январда бўлиб ўтган финалида, учрашувнинг 90+8-дақиқасида сенегалликлар дарвозасига пенальти белгиланганидан сўнг, Сенегал терма жамоаси бош мураббийи Пап Тиав норозилик белгиси сифатида ўз жамоасини трибуна ости йўлакчасига олиб чиқиб кетган эди. Кейинроқ терма жамоа сардори Садио Мане футболчиларни майдонга қайтарди. Марокашлик ҳужумчи Браим Диас пенальтини голга айлантира олмади, қўшимча вақтда эса Сенегал битта гол уриб, ғалаба қозонган эди.
«Реал»дан учралган мағлубиятдан сўнг «Манчестер Сити» кийиниш хонасида нималар бўлди?
Эроннинг ўрнига Жаҳон чемпионатига бориши мумкин бўлган терма жамоалар номи маълум бўлди
Гвардиола йирик мағлубиятдан кейин Ҳусановга ишонадими? "Сити"нинг бугунги ўйин учун тахминий таркиби
