Мэйдзи университети ҳузуридаги PorMedTec стартапи ген-модификация қилинган чўчқаларни кўпайтиришга киришди, деб хабар беради Япониянинг The Mainichi нашри.
Ҳайвонлардан одамга буйрак кўчириб ўтказиш бўйича клиник синовларни 2028 йилда ўтказиш режалаштирилган.
"Биз ушбу усулни оғир буйрак етишмовчилиги бор беморларни даволашнинг танлов вариантларидан бири сифатида, одамдан одамга трансплантация ва диализ билан бир қаторда илгари сурмоқчимиз", — деди PorMedTec раҳбарияти.
Лойиҳа маъқуллангач, синовлар бирданига Япониянинг иккита шифохонасида ўтказилади.
Нашрнинг қайд этишича, бу мамлакат учун биринчи шундай синовлар бўлади.
Стартап 2030 йилда ҳайвонлардан одамларга аъзоларни кўчириб ўтказиш учун шартли рухсатнома олишни, 2033 йилга келиб эса одамга чўчқа буйрагини трансплантация қилишни стандарт терапия усулига айлантиришни мўлжалламоқда.
Япония компанияси ушбу лойиҳада АҚШнинг eGenesis Inc. биотехнологик компанияси билан ҳамкорлик қилмоқда ва ундан чўчқанинг ген-модификация қилинган ҳужайраларини олмоқда. Реципиентлар организми томонидан кўчириб ўтказилаётган аъзоларнинг рад этилиши олдини олиш мақсадида чўчқа организмига 69 та генетик ўзгартириш киритилади.
Ўн йилдан сўнг пулнинг аҳамияти деярли қолмайди
Эрон 200 нафардан ортиқ америкалик ҳарбий хизматчиларни йўқ қилди
Россия халқини ҳеч қачон енгиб бўлмайди
