Японияда эркак мактаб ўқувчиларини атайлаб босиб ўтди

Японияда полиция мактаб ўқувчиларини ўлдиришга уринишда гумонланган эркакни ҳибсга олди, деб хабар беради Kazinform NHK World-Japanга таяниб.

Пайшанба куни Осакадаги етти нафар бошланғич синф ўқувчисини соат 13:30 атрофида машина уриб юборди. Улар уйга қайтишаётган эди.

Болалар зудлик билан шифохонага етказилган.

Полициянинг маълум қилишича, 28 ёшли гумонланувчи, Хигасимураяма шаҳридан Юки Ядзава ўз айбини тан олди.

Гумонланувчининг сўзларига кўра, у “ҳаётдан тўйгани” учун бир гуруҳ болаларни ўлдириш мақсадида атайлаб босиб кетган.