Яман ҳусийлари Исроилга қарши жанговар ҳаракатларда кўнгиллиларни ҳарбий тайёргарликдан ўтказди

Яман ҳусийлари Исроилга қарши жанговар ҳаракатларда иштирок этишга тайёр 82 минг кўнгилли учун ҳарбий тайёргарлик якунланганини айтди.

Ҳусийларнинг Санадаги сафарбарлик учун масъул бўлган расмий вакили Файз ал-Ханамийга кўра, барча иштирокчилар “Ал-Ақсо тўфони” деб номланган дастур доирасида тайёргарликнинг биринчи босқичидан ўтган.

Иккинчи босқич аллақачон бошланган, унда биргина Сананинг ўзидан дастлабки ҳисоб-китобларга кўра 100 минг киши жалб этилади.