2020–2023 йилларда Сирдарё вилояти Ховос тумани ҳокими бўлиб ишлаган Учқун Камолов озодликдан маҳрум этилди. У ер ажратиш тартибини бузиш, давлат маблағларини талон-торож қилиш каби жиноятларда айбдор деб топилди.
Суд ҳукмига кўра, Камолов давлат манфаатларига миллиардлаб сўм зарар етказган. У ер ажратиш комиссияси раиси сифатида қонунга хилоф равишда 144 гектар ерни тадбиркорларга берган ва бу билан 8,8 млрд сўм, шунингдек, яна 3 ҳолатда 6,3 млрд сўм зарар келтирган. У 3 йил 5 ой 23 кунга озодликдан маҳрум қилинди.