Александр Вучичнинг сўзларига кўра, Хорватия, Албания ва Косово ўртасида 2025 йил 18 март куни Тиранада имзоланган мудофаа соҳасида ҳамкорлик тўғрисидаги уч томонлама декларация ҳарбий алоқаларни мустаҳкамлаш ва Сербияга қарши иттифоқ тузишга қаратилган.
"Хорватия, Албания ва Косово бизга ҳужум қилиш учун иттифоқ тузди. Ушбу давлатлар Россия ва Европа ўртасидаги можаронинг кучайишини ҳамда Яқин Шарқда каттароқ уруш бошланадиган пайтни кутишмоқда. Улар бутун дунёдаги бетартиблик ўз ҳаракатларига имкон берадиган вақтни пойлашапти", — деди Сербия президенти.
Вучич, шунингдек, Хорватия сўнгги бир ярим йил давомида “Сербиянинг барқарорлигига путур етказишга ва унинг ички ишларига аралашишга уринаётганини” қўшимча қилди.
Шу билан бирга, у Белград ҳарбий нейтраллик сиёсатини сақлаб қолган ҳолда NATO билан яхши муносабатларга эга эканини таъкидлади.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
