Холанд АПЛнинг янги тўпурарлик рекордини ўрнатди

"Манчестер Сити" ҳужумчиси Эрлинг Холанд Англия чемпионатининг 14-туридан ўрин олган "Фулхэм"га қарши ўйинда гол урди.

25 ёшли норвегиялик футболчи 17-дақиқада Жереми Докунинг узатмасини голга айлантирди. Бу Холанд учун АПЛдаги 100-гол бўлди. У бу натижага Англия чемпионати тарихида энг тез эришди - 111 ўйинда. Холанд бунинг учун 124 та ўйин ўтказган Алан Ширернинг рекордини янгилади.

Холанд 2022 йилда "Боруссия"дан "Манчестер Сити"га ўтганди. "Шаҳарликлар" сафида барча турнирларда 164 та ўйин ўтказиб, 143 та гол ва 22 та голли узатмани амалга оширган.