Хитойлик эркак отасининг касаллиги ҳақидаги ёлғон ҳикояларни ўйлаб топган ва сунъий интеллект (СИ) ёрдамида сохта видео тайёрлаб, 255 минг доллардан ортиқ пулни фирибгарлик йўли билан қўлга киритган.
«Пэнпай» нашри хабар беришича, эркак отаси саратон касаллигига чалингани ҳақида ёлғон маълумотлар тарқатган. У ҳатто сунъий интеллект ёрдамида отаси оғир касал бўлиб, тўшакда ётганини акс эттирувчи видео ҳам яратган.
«Шу йўл билан у курсдошлари ва дўстларини алдаб, жами 1,7 миллион юандан ортиқ (тахминан 255 минг доллар) пул олган», — дейилади хабарда.
Полиция маълумотларига кўра, эркак 2019 йилдан бошлаб турли баҳоналар билан танишларидан мунтазам равишда қарз олиб келган. У пул сўрашда технологияларга сармоя киритиш, тўй ўтказиш, уй-жой сотиб олиш ва компаниясининг жорий харажатларини қоплаш каби важларни келтирган.
Кейинчалик Цзян фамилияли эркак отаси саратон касаллигига чалингани ва шошилинч даволаниши зарурлигини айта бошлаган. Бир муддат ўтгач эса отаси вафот этгани ва дафн маросими учун пул кераклигини билдирган. Нашрнинг ёзишича, у бу ҳикоялар орқали одамларда раҳм-шафқат уйғотиб, янада кўпроқ пул қарз олишга уринган.
Цзян содир этган жиноятларини тан олган. У отасининг касал ҳолатини акс эттирувчи видеони сунъий интеллект ёрдамида яратганини ва бу орқали фирибгарлигини «ишонарлироқ» қилишни мақсад қилганини айтган.
Эркак танишларидан олган барча маблағини фонд бозорида йўқотган.
Ҳуқуқни муҳофаза қилувчи органлар уни фирибгарликда гумон қилиб қўлга олган. Айни пайтда мазкур иш бўйича тергов давом этмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
